《飞虎》表现获赞赏黄宗泽风骚晒新宠行山相

2020-05-26 12:30

黄宗泽(Bosco)喺TVB新剧《飞虎之雷霆极战》中饰演MI6，有超水准表现，其中一集用英文同变节特工谈判，讲足两分钟英文，喺咬字同发音方面明显落咗唔少苦功，唔少网民都赞好！风骚Bosco昨日喺社交网出Po，题为「带亲女行山日」， Po出分别喺大树下及LAP动物庇护慈善机构领养回家的沙皮Kasha及唐狗Kabaka行山相，但Bosco就没有出镜。相中两只可爱小狗置身青葱高地，Kabaka行到伸晒脷，要趴喺草地饮水抖一抖。两只小狗获唔少网民大赞精灵可爱，又赞Bosco爱心爆棚，当然，就算Bosco冇现身，都获fans留言赞《飞虎》角色好型。不过，有网民发现Kasha指甲太长，提醒主人要帮狗狗剪甲啦！因为指甲太长，狗狗走路会好辛苦。最搞笑有网民留言话：「大叔Bosco你咁嘅年纪应该亲大婶日」。

支持领养流浪动物

去年8月跟Bosco情同父子嘅都柏文爱犬Usher离世，黄宗泽很伤心，在网上伤痛留言：「爸爸就送到你这里了，下辈子再见，谢谢你陪了我那么多年！I miss you always!」之后他便分别领养了Kasha及Kabaka，身体力行支持领养，希望救得一只流浪狗得一只，相当有爱心。他对本报记者表示，领养咗大半年啦，两只狗女不经不觉都差唔多一岁大，他得戚道：「我得闲就会带埋佢哋行山，仲会行到上山顶嗰只，行得都几甘㗎，所以好难野山捕获到我哋，除非用航拍啦，哈！」