激凸「徐小姐」上身林盛斌获网民赞索爆似Bob嫂

2020-05-26 10:30

育有3女1子的林盛斌（Bob）反串扮过唔少女人，包括有「呕心」白雪公主、一楼凤妓女、经典角色「冯程程」等，每次都令观众带来「惊」喜，昨日Bob又喺社交网贴了反串扮女人相，相中拨弄著长直假发，面圆圆嘅阿Bob浓妆艳抹，搽咗鲜红色唇膏突出厚唇，一身OL套装打扮，留言话：「呢排出街好多人叫我『徐小姐』.....」而网民将焦点落喺「徐小姐」丰满嘅上围度，骤眼望至少有C级，网民抵死留言：「小姐你身材好好」、「睇完徐小姐，会想起细细粒」、「真系索到想爆粗」、「见到都发恶梦」、「忧怨嘅眼神，性感嘅厚唇，杀死人咩」、「真系超似你老婆」。

原来阿Bob牺牲色相扮「徐小姐」系帮TVB拍广告套装，他阿Q精神跟本报记者话：「好多人话我靓呢，哈哈！」