【又有伴喇】晒家族新成员 69岁李司棋不愁寂寞

2020-05-22 11:00

69岁嘅李司棋2003年曾养了两只史纳莎爱犬「萌萌」和「奶茶」嚟治疗失婚及骨枯伤痛，不过年老爱犬相继逝世，今年二月，17岁「萌萌」亦超额完成任务「毕业」了，而司棋姐都有感而发，在IG发文怀念「萌萌」离世，并感激爱犬们过去一直相伴。

口口声声话唔再养狗的司棋姐，昨日喺IG上载一张心心眼抱狗相，相中雪橇BB超萌，她留言：「家族新成员，虽然不是我自己养的，但会时常去探望这位妹妹: Luna。」原来呢只小型雪橇BB女Luna系胞妹家中新成员，司棋姐跟本报说：「只狗系我妹个仔，买畀佢啲小朋友嘅，即系买畀我妹啲孙，因为小朋友恨养狗。Luna BB真系好可爱，我寻日去咗糟质狂锡佢一轮。」

因为「萌萌」晚期时体弱多病，司棋姐和家佣出心出力照顾它，故暂时唔打算再养小狗：「我唔养罗，因为𠵱家抱只狗都好辛苦，好攰，费事啦，责任太大。不过有时都好恨养，恨到流晒口水，好想养，但讲咗唔再养就唔养喇！我同妹妹住得好近，成日去融入佢哋家庭，咪过去玩狗罗！𠵱家冇得去旅行，平日去妹妹屋企玩吓狗，会约埋啱嘴型朋友出嚟玩吓、聚吓，都几得意，不过唔可以超过八人活动呀！」