合照老公继续唔见影　杨思琦晒萌爆B仔初生写真

现年41岁的杨思琦去年惊爆佗B兼秘嫁圈外老公，并于上月12日宣布已大诞下囝囝「猪猪」。今日，思琦于社交网贴出囝囝的初生写真，相中B仔全程瞓住觉影，思琦亦为囝囝换上多个造型，其中更化身「熊仔」，非常可爱！而同母异父的家姐杨卓颖（Krystal）也有出镜，但至今身份成谜的BB生父，就继续「冇影」，思琦都没有公开一家四口全家福！

思琦留言：「今次mummy带我去影『写真』！哗！系『初生写真』啊！第一次影靓仔相，劲开心！哈哈，原来有几个造型𠻹！你哋锺意边款多啲？又有咁多靓姐姐同我着靓衫、扮型仔，帮我开暖气，打靓灯！个个都锡晒我，对我好好喔！最惊喜系，原来佢哋仲安排咗一张超舒服的床牀畀我瞓！等我全程可以瞓住觉嚟影相，秉承我猪猪一向『贪睡』的本色，真系好叹呀……加埋猪猪family的成员一齐陪住我影相实在太开心呢！等我可以留住美好一刻！返去要饮多几樽奶庆祝先得yeah。」

事后思琦回覆传媒称，虽然新冠肺炎肆虐，都担心囝囝出街受感染，但因BB每日大都有好多不同变化，好希望影低留作纪念，加上拍摄地点已全面消毒，工作人员即摄影师均戴上口罩，故也放心为BB影靓相。