星岛日报

【头条独家】唔惯同李施嬅谈情 海俊杰靠太太制造机会

2020-03-19 17:56
海仔话近排开工拍剧,亦会做足防疫措施。
海仔话近排开工拍剧,亦会做足防疫措施。

相隔20年,海俊杰重返娘家演出收视剧《法证先锋IV》演声纹专家「施见贤」,太耐冇拍港剧,海仔都话最初好唔惯,特别是工作时间比内地剧较长,不过他笑言最唔适应反而是拍谈情戏,更指跟剧中女友李施嬅合作会紧张,竟然要他太太出手叫两人情人节撑枱脚培养感情,难怪两人最近首度合唱新歌《二次缘》时会特别合拍啦!撰文:杜淑霞 摄影:梁志明 服装:DEGAIA

剧中海仔演的声纹专家「施见贤」,会狂追法医「Dr. Man 」。
剧中海仔演的声纹专家「施见贤」,会狂追法医「Dr. Man 」。
17年,海仔与拍拖5年的化妆师莫家慈(Effie)结婚。
17年,海仔与拍拖5年的化妆师莫家慈(Effie)结婚。


海仔笑言在内地发展时叹惯,每日都准时收工,所以最初拍《法证》时好唔适应,好彩一班对手都好帮手,特别是黄浩然,「多谢浩然有场屋企戏,我个脑已经实晒,嗰日啲对白又难,佢见我拍到晕晕哋,就叫我出去唞唞气,困兽斗咁好多个钟头,真系会讲唔到㗎!」

海仔在《二次缘》的MV中,再次发挥演技。
海仔在《二次缘》的MV中,再次发挥演技。
海仔和李施嬅合唱新歌《二次缘》,MV好有戏剧性。
海仔和李施嬅合唱新歌《二次缘》,MV好有戏剧性。


新歌难宣传
不过讲到最唔习惯,海仔竟然是拍住李施嬅会紧张,「我近年喺内地好多时做杀手、英雄、好cool嘅赌王赌神、或者揸枪好Chok嗰啲,真系好似好耐冇谈情,同太太又老夫老妻,追女仔嗰啲唔系太记得,真系唔记得咗点样拍拖,所以施嬅成日叫我放松啲,唔好咁紧张。」极之信任海仔的海太莫家慈(Effie),更鼓励他约施嬅情人节去拍拖,认为够胆,「旧年情人节我同施嬅拍紧呢套剧,嗰日早收工,施嬅顺路车埋我过海,咁啱太太搵我,因为佢喺内地做紧嘢,仲话如果施嬅嗰日冇街去,叫我哋去拍吓拖喎!哈哈!得谈笑,当然冇实行啦!(证明太太好信你?)冇啦!我仲会出去识女仔咩。」

讲到跟施嬅初次合唱新歌《二次缘》,海仔话估唔到拍档咁唱得又勤力,但可惜因疫情唔能够周围宣传,「首歌其实仲有国语版,或者等疫情过去,我哋再返内地宣传,𠵱家最紧要大家都安全。」

早前海仔联同公司的师弟妹,一齐落区派口罩。
早前海仔联同公司的师弟妹,一齐落区派口罩。

最新回应

關鍵字

相關新聞

热门文章