【頭條獨家】帶女友同行拍節目 陳俞希率師妹狂爆金剛秘聞

2020-03-09 00:31
Hailey、Yoshi、娟姐和Shirley投訴金剛沒返港幫手宣傳,於是當sound bear是金剛來出氣。
Hailey、Yoshi、娟姐和Shirley投訴金剛沒返港幫手宣傳,於是當sound bear是金剛來出氣。

ViuTV新節目《金剛旅神團》,由金剛拍住四位「旅」神,陳俞希(Hailey)、沈殷怡(Shirley)、余逸思(Yoshi)和練美娟(娟姐),去東京介紹食買玩CP值高好去處。不過,受疫情影響金剛未能返港配合宣傳,四女趁他不在,即大爆金剛秘聞,仲狂爆他對同行女友梁云菲(Nana)鮮為人知的一面。撰文:杜淑霞 攝影:譚壹致 髮型:Terrence_chann(Hailey) 化妝:yukimakeup(Hailey) 服裝:American Eagle(Hailey)、b+ab(Yoshi)

Hailey、Yoshi、娟姐和Shirley不停互窒和爆料。
Hailey、Yoshi、娟姐和Shirley不停互窒和爆料。
女友Nana 拍浸溫泉鏡頭,金剛全程𥄫到實。
女友Nana 拍浸溫泉鏡頭,金剛全程𥄫到實。

四位「旅」神甫接受訪問已不停互窒,噪到爆,一時話師姐Hailey是中女掛住美白同養生;又話Yoshi精神有問題要食藥;又話Shirley成日提住父母應該冇乜朋友。最尾她們仲爆閨房秘聞,指Yoshi搞到酒店房有條垃圾河,跟她同房的娟姐就話:「牀與牀之間有個空位,我問佢將啲垃圾擺喺邊,佢話中間啦!於是就變成咁!」


Nana在酒店房狂拍性感相,金剛應該負責揸機。
Nana在酒店房狂拍性感相,金剛應該負責揸機。
節目中,介紹不少東京食買玩CP值高好去處。
節目中,介紹不少東京食買玩CP值高好去處。

互爆完未夠喉,趁住金剛不在場,當然要轉移目標,Hailey率先爆金剛是個超級購物狂,誇張到帶多兩個篋出發,仲會每日拖住細篋去拍嘢,「日本有啲24小時店,佢晚晚都去買。(娟姐:唔知係咪每日用完啲咩要再買番呢?)我哋反而要問番佢邊間最好行,未合作前估唔到佢咁鍾意買嘢,佢話佢去日本先會咁喎!」

她們又指金剛私底下超級愛錫女友,除了周圍幫她搜購Hello Kitty精品外,仲好驚着住三點式浸溫泉的女友畀人睇蝕。Shirley說:「佢監場監得好實,一停機就叫女友着番啲衫。」Hailey再補充,「其實鏡頭唔使金剛喺度,只係影佢女友一個喺度浸溫泉,但佢就全程喺度望到實一實。」所以Hailey估計,金剛唔返港宣傳,因返台灣要隔離14日,「佢應該係唔想同女友分開,估唔到佢咁黐身㗎!」

試坃滑浪場,Hailey、Yoshi和Nana掛住𥄫仔,畀金剛勁鬧。
試坃滑浪場,Hailey、Yoshi和Nana掛住𥄫仔,畀金剛勁鬧。

最新回應

關鍵字

相關新聞

熱門文章