【提早庆祝】陈茵媺女儿陪切蛋糕 刘倩婷为囡囡搞沙滩生日P
2020-03-08 17:41 
因为疫情严峻，专家都讲呢段时间尽量唔好同朋友搞聚会，不过李丞责太太刘倩婷就唔太惊，啱啱就为3月19日就4岁生日嘅囡囡李仟辰(Eldora)搞咗个沙滩生日Party，出席者包括老友陈茵媺同佢个囡囡Camilla。沙滩够开扬，较室内应该安全好多。
从刘倩婷的社交平台所见，寿星女有一个特别订造嘅立体蛋糕，蛋糕上有英文名，有个迷你版李仟辰，仲有四个卡通公仔，靓妈话为囡囡感到骄傲，因为喺呢个艰难时间，囡囡变得坚强同充满爱心，佢仲爆囡囡嘅生日愿望，就系下一年能够有一个BB可以同佢玩，语毕靓妈留下无眼睇同心心眼嘅Emoji，你囡囡嘅愿望，靠晒你嘞。
而细过Eldora一个月嘅Camilla就陪寿星女切蛋糕，睇嚟真系好老友喎。
關鍵字
最新回应