【头条独家】首扮同志冇信心 太保爆畀仔女质疑演唔掂
2020-03-04 21:01 
69岁、入行50年的太保（原名张嘉年），凭电影《叔•叔》演老年同志「阿柏」，夺得「香港电影评论学会—最佳男演员奖」；最近再获提名「香港金像奖—最佳男主角」，他以平常心睇奖项，但坦承对演员来讲有好大推动力。原来他最初都担心能否胜任，将「阿柏」压抑多年情感演绎出来，连一对已大学毕业的子女都质疑他「你到底掂唔掂㗎？」撰文：杜淑霞 摄影：李维隆
太保去年先凭《叔•叔》获提名「台湾金马奖—最佳男主角」，到再在香港夺奖和再有金像奖提名，他表现得好平常心，「金马奖年年都有，我拍多几部好戏都会有机会。」但亦承认奖项对电影有一定帮助，「至少要有人知，最好就系一路攞奖，金像奖又攞埋啦！」
对于首度演同志角色，太保坦承最初都没信心，「导演嚟台湾搵我，畀咗剧本我睇，系一个60几岁嘅同志电影，我话『吓！我？』梗系对自己有怀疑啦！」但他并非担心外界观感，反而是睇完剧本后，担心自己拿捏不到「阿柏」压抑的60几年情感「我啲仔女话，『你到底掂唔掂呀？』唔担心人哋点睇，反而系演唔演到『阿柏』呢内心世界，应该好压抑，唔可以太放太露骨，有难处喺度，好彩最后Ray（杨曜恺）导演都收货。」
其实太保并非一入行就做演员，他18岁因经常在尖沙咀夜蒲认识师傅午马，在邵氏先做场记再到副导，直到加入嘉禾开始做幕前，「大哥Jacky（成龙）搵我做演员，『你个样咁搞鬼』，由《师弟出马》、《龙少爷》系列，一路拍落去啦！（仲以为你食过夜粥？）畀人打得多，仲唔学番几招，识闪先啦！」后来获台湾导演侯孝贤赏识拍摄首部文艺片《悲情城巿》，令太保戏路更广，他更讲明永不言休。不过台湾空姐太太为他诞下的一对仔女就无意继承他衣钵，「两个对电影一啲兴趣都冇，见到我啲旧片，佢哋又会话，『你睇你，又畀人炳呀！哈哈！』」
最新回应