商台员工放无薪假 森美︰保到同事唔使被炒系好事
2020-02-21 18:47 
肺炎肆虐，本港市道受到冲击，多个行业均有打工仔被逼打折出粮、放无薪假。商台因为广告收入大减，今日商台公布：有鉴于目前社会情况及疫情持续，本台在不影响广播服务的大前提下，正与员工作出无薪假期的安排。商业电台会一如既往坚守岗位，服务全港市民，与香港人共渡时艰。
喺公司特别安排下，商台DJ森美当然减收入少，他回应本报时表示︰「咪放吓假罗，自己公关公司大半年都冇收入，都知𠵱家系辛苦嘅，希望商台放无薪假呢个方法可以减少炒人罗，喺艰难时间，同事无咗份工就好难生活，所以希望大家一齐努力过咗呢个艰难时期。」森美话，为咗尽量令个节目影响到最低，部份应该会录播，希望听众唔发觉。问到岂非变相加「辛」？森美说︰「冇计㗎啦，尽力啦！希望公司记住我哋共同一齐捱，同步过冬，将来赚到钱分返畀大家。最主要都系，尽量唔好炒人，因为人人都需要一份工，香港嚟紧啲经济都会系差，起码都会差一年半载，无论识唔识嘅同事都好，保得一个得一个都系好事，真系唔理咁多罗！我冇计算自己人工会少咗几多呀。因近排忙搞疫情同父母嘢。」
關鍵字
最新回应