【头条独家】疫情加剧前行街买零食李璨琛老婆唔带囡囡出街防感染

2020-02-21 16:32

李璨琛近半年出镜率一定唔及岁几囡囡李元元（Lucy）同老婆梁志莹，事关李太同天生识做戏嘅囡囡开咗个ig，日日都有新Post，有时系相有时系片，仲试过玩直播，ig follower超过12万，两母女劲受网民欢迎。日前下午，肺炎疫情仲未恶化，李太约咗朋友去买零食，记者望咗一阵唔见肥Lu，有啲失望𠻹。采访:梁志明

李璨琛监制嘅电影《大盗演》原本放喺贺岁档，但佢为咗避黄子华嘅《乜代宗师》而延后，因为肺炎疫情影响，映期未知，之前Lucy老窦话：「我哋安排贺岁第二档期上，压力冇咁大，第二档都OK，就算子华杀到落嚟继续上，佢都已经上咗一轮。」千算万算就系算漏咗个新冠肺炎(前称武汉肺炎)，早前食物及衞生局局长陈肇始话未来两星期系抗疫关键期，强烈劝吁戏院、卡拉OK、补习社、兴趣小组及会所等多人聚集的场所暂停营业，希望营运者考虑减低病毒人传人的风险。