【头条独家】一家人陪个女买手表许绍雄好忙系咁覆Msg

2020-02-18 19:48

1971年参加第一期无綫电视艺员训练班入行嘅许绍雄「Benz雄」原来已经71岁，因为不断有作品面世，个样又无老态，头发仲几浓密，所以估唔到已7字头，难怪男士健康产品商咁锺意搵佢做代言人。之前见到许氏一家四口现身ifc，因为细女许惠菁（Charmaine）要买表，一家人就陪佢去apple store买，从而发现「Benz雄」都几忙，系咁覆Msg，同埋佢老花应该唔太严重，睇手机唔使拉到只手好远咁望，厉害呀。采访:张咏森

去年中，有匿名者向传媒爆料，指一名叫「许绍雄」嘅人怀疑使用WeChat向一名女子发送情欲对话，当中言词露骨及附有一张男性下体照片，许绍雄事后解释俾人整蛊，担心声誉受损，自认「有心无力」嘅佢更大呻：「感觉好似俾人强奸咗！」

行街唔讲嘢
传闻嘅嘢好快无事，去年尾许绍雄就同结婚27年嘅老婆出席细女许惠菁（Charmaine）嘅大学毕业礼，囡囡以一级荣誉毕业非常叻女。早已在新加坡用2,300万港币买入4000尺6房独立屋嘅「Benz雄」计划在当地定居，而囡囡亦会在新加坡发展事业。农历年后，许绍雄一家四口难得在港，一家人现身ifc，目的系陪个女去买表，不过，陪唔代表要帮手拣，许绍雄喺铺头一直揿电话，无乜畀意见，话咁快买完，然后一行四人随意行咗一阵就离开，沿途一家人唔多嘢讲，一家之主就一直好忙咁揿电话，So Busy。