孖闺蜜团齐齐睇艳舞 王敏奕性感拍孕妇写真

王敏奕（Venus）、余香凝（Jennifer）、 麦芷谊（Koyi）、陈静（Dada）为她们主演的电影《Baby复仇记》合唱电影主题曲外，在拍摄途中亦笑料百出，每次4人一起拍摄也非常开心。其中一场讲Dada相约其馀3人到澳门旅行放松一下，岂料3位好友却为她安排了看男士艳舞表演。4人笑言拍摄这场时既尴尬又兴奋，Dada说：「我都有过类似所以都好少少，我有一年生日会一班女仔朋友请啲脱夜舞男表演，我拍摄时都有谂返嗰阵情景都冇乜尴尬，反而系Venus、Jennifer、Koyi就好似好尴尬罗！」Jennifer则笑言：「我哋喺化妆间时听到啲男Dancers到时都好兴奋，但点知一Roll机大家就劲尴尬，反差好好笑。」

除了结伴去看艳舞团外，Venus更有孕妇写真的戏份，戏中长期戴上假肚的她表示：「一开头觉得好玩，因为好真，但戴咗上身后觉得行路好辛苦，著鞋都要服装帮手。一到现场化妆就戴，化妆食饭都唔除，到收工真系腰痛膝头痛，大肚真系好辛苦，会明白孕妇点解燥底。」

Venus大赞导演陆以心善于跟演员沟通，尤其是拍摄这场带点性感的戏份上，她说：「得意经历，导演事先有同我讲呢场戏，我都觉几好玩。我工作成日影相，但导演话今次唔想影到好靓，想拍到普通人第一次入Studio嗰种喜剧感，有啲难度，有啲事要错错地。事前我冇乜顾虑，导演好照顾演员感受，每一套衫去试都以演员舒服为主。」