【头条独家】《乜代宗师》首演无敌拳手 刘心悠揪大只男惊到牙震
2020-01-16 17:15 
刘心悠在贺岁片《乜代宗师》中，首度扮西洋拳手「陈真」，为了演好这个拥有40场不败纪录的无敌拳手，心悠虽然冇导演兼男主角黄子华卖埋楼去到咁尽，不过一样瞓晒身，用4个月时间当正真拳手狂操，虽然冇大伤，但要不断硬食瘀伤疼痛，拍摄时表面好型，实则不时被对手打伤，仲要只揪大只男搞到她惊到牙到震。撰文：杜淑霞 摄影：李权威 发型：Eric@XENTER hair salon 化妆：Annie G Chan 服装：Diesel、lijin 场地：游牧堂
心悠觉得有机会同有才华的黄子华合作，兼尝试未演过的拳手角色，就算要花4个月苦练西洋拳都值得。不过过程绝对唔容易，「初期一星期练3日，中后期加多一两日，每日4、5个钟，仲要学食肥仔奶粉，到时你哋睇戏就知有冇大只到，不过我由48kg增到55kg。（会唔会有朱古力腹肌？）你哋睇啦，希望你哋睇完觉得我似个拳手。」
信子华冇麻烦
虽然心悠未有信心上擂台坚打拳赛，仲笑言：「我依家出拳连师傅都未掂到，我目标系掂到师傅先。」不过，她在戏中早已有比赛感觉，「我已感受过，喺戏中我对打都系肌肉男，好大只嗰啲肌肉男，我初头见到佢哋我牙都震埋，好紧张，系大咗刘心悠三个码度罗！有时套招嘅时候，唔小心畀佢哋KO咗，唔系讲笑，真系好恐布。」
由于操练期间，心悠仲要准备去北极跑马拉松，不过亦因此有意外收获，「两边练紧，我好强壮，最大得着好骄傲去做身体检查，攞咗张成绩单，会骚到你每个器官嘅退化程度，我嗰时成绩好靓，全部零，即系零退化，所以好开心。」心悠又大赞子华是好导演和好对手，「佢谂得好清楚好仔细，佢系注重细节嘅人，好易相信佢，喺片场你唔会迷茫，佢谂得好清楚先同你讲，跟住佢做就OK，同佢合作好容易。」
最新回应