【头条独家】「女飞跃王」受欢迎 张曦雯王浩信中环过马路被围

2020-01-16 19:00

虽然好多网民吁罢睇TVB,但TVB依然仲系好多人睇,你睇马明拎视帝几多人讲。本周二下昼,王浩信同张曦雯(Kelly)为《踩过界II》喺中环拍外景,剧情好简单,两个人等过马路同埋过紧马路,有明星睇,仲要系TVB艺人,好多人企定定睇拍剧,不知几热闹。采访:张咏森

张曦雯刚喺台庆颁奖礼打低强敌汤洛雯拎咗「飞跃进步女艺员」,当晚张曦雯坦言曾幻想得奖,但上到台就呆晒,因为要向太多人致谢,更扬言下个目标系争视后,好有大志,其实讲咩无乜人记得,因为佢件衫实在太Sexy太抢Fo。

快拍快散
当日下昼,拎住盲公竹嘅「盲侠」王浩信同张曦雯现身中环雪厂街拍外景,剧情唔特别,就系等过马路同过紧马路,因为实在太简单,拍咗半个钟就收货,王浩信秒速闪走,张曦雯就上服装车换返条裤就同助手截的士走。由拍到拍完,十字路口都企满人,个个好得闲咁睇拍剧,条街集结咁多人好危险,记者影完都速闪保平安。其实上个星期,张曦雯都喺中环另一个街口拍外景,剧情同样系过马路,拍完仲有几个女途人搵佢影相,巴打界嘅女神都有女Fans㗎。

最新回应

關鍵字

相關新聞

热门文章