【头条独家】监制《打天下》冲绳拍外景 欧锦棠呻未天光拍到天黑
2020-01-15 02:49 
欧锦棠首度监制及主演、以空手道做主题的ViuTV新剧《打天下》，早前到冲绳拍摄外景，阿棠话因为当地是空手道的发源地，加上当地好多靓景，所以决定拉队去取景，不过去到当地由于地方大，加上有好多动作场面，为争取时间拍摄，每日要未天光拍到天黑，好彩台前幕后都好搏，所以在当地完成拍摄他即请大家食餐好。采访：杜淑霞
阿棠年多前获ViuTV邀请制作新剧，当时他即想到一个写落多年的剧本，「呢个本嚟系电影剧本，2010年搵过人投资，可惜唔成事，所以讲起有咩故仔可以拍剧，即刻谂起呢个可以攞番嚟变成20集嘅故仔，ViuTV都锺意个题材。」
大赞谈善言
虽然已做过多部舞台剧的监制和导演，但阿棠话当初考虑了很久才答应监制这部剧，「始终未做过电视剧监制，同舞台剧差好远，但好想挑战吓自己，好彩搵到好朋友高林豹导演帮手，佢喺内地发展为主，拍过《无心法师》嗰啲剧，好彩佢二话不说就嚟帮手执导，如果我同唔熟嘅导演合作，仲要兼顾埋演真系搞唔掂。」
今次选去冲绳拍外景，阿棠解释因当地是空手道发源地，加上当地好多靓景，「不过拉队去拍真系唔容易，加上有好多动作场面，每日未天光拍到天黑，好彩成班演员个个都好搏，特别系女主角谈善言，虽然佢完全冇武功底子，但系好吃得苦，就算经常受伤都照顶，所以大家拍得好开心，外景完我都有请大家食餐好，嚟紧都想再同ViuTV合作制作更多剧集畀大家睇。」
關鍵字
最新回应