【型男厨师】《杰少煮意》登场 蔡一杰开YouTube频道教煮餸

蔡一杰唔只跳舞劲，厨艺亦非常厉害，曾经到泰国学厨两年。寻日佢就喺YouTube开频道《杰少煮意》教煮餸，暂时有两段介绍片同两段贺年篇教学片，订阅人数得7百几人，未算好多，难怪佢要拍片叫人记得subscribe及开心Share。

首段教学片就系教煮白切鸡，蔡大厨由去街市买鸡开始拍摄，然后洗鸡浸鸡同劏鸡，连切姜蓉都教埋你，非常适合初学者收睇。而第二段片就系教煮杰少炆猪手，想煮团年饭但又唔知点煮？杰少帮到你。