【头条独家】Shopping好惆怅　小肥嘟嘴笃面买Mask

小肥（徐智勇）近年好勤力跑步、打拳Keep住副Body，咪睇小肥大大件、个Look好粗犷咁，查实内心应该住咗个「小女孩」！日前4点几，他独自现身铜锣湾买减价面膜，其间表情多多，一时嘟起个嘴仔谂嘢，一时又鼓起泡腮咁，好Cute喎！采访：梁志明

社会局势持续不稳，不少商业活动与演出都煞停，艺人收入自然受影响，好在小肥与友人自组的公司业绩不错，他早前表示靠接周年晚宴都维持到。日前，穿绿色外套、孭背囊的小肥，一支公落铜锣湾揿钱，正所谓「财不可以露眼」，他攞完钱便即刻拧转身面壁，然后小心翼翼地将啲钱收入银包，跟住双手插袋、听住音乐，好潇洒咁行去附近万宁扫日用品。

Dry爆买保湿面膜急救
做艺人当然要好好保养，小肥一入到去擸咗支冲凉梘液，然后再睇Mask！唔知系咪计紧数买两件抵啲呢？他忽然嘟起个嘴仔又举晒V，啲手指仲笃落块面珠度，真系好Cute Cute啵！结果，小肥拣了一盒300几劈到89蚊的高效特强保湿导入面膜，睇嚟长期单身的他不只Mentally好Dry，Physically都明显Dry到爆！之后他继续于店内游走，其间搵嘢搵到高低眉兼扁晒嘴，好苦恼，唔知系乜嘢咁难搵呢？小肥个表情Keep住好惆怅，真系睇到大家眉头一再猛皱，最终搞咗20分钟，都系买得一支梘液同面膜。