【头条独家】未被郭伟亮狂捉懒音打沉林晴恩誓要圆歌手梦

2020-01-07 21:30

乐坛新人林晴恩（J.Lyn）刚推出第一首新歌《忍眼泪》，仍在港大读4年级的的她，去年开始以网上直播平台主播身份演唱，到现在真正出道做歌手，她坦言仍然未适应，譬如录音时被监制郭伟亮（Eric）狂捉懒音；到电视台录影被录影厂冻到影响演出，不过这些经历未打沉她的决心去圆歌手梦。采访：杜淑霞

去年J.Lyn受朋友启发，开始在Live平台「Uplive」以主播身份表演唱歌，未够一年已得到不少粉丝支持，仲获选该平台「全球最佳才艺主播」称号，因而得到唱片公司支持推出新歌。J.Lyn坦言最初只为兴趣开Live，「嗰时有同学咁做，我觉得几好玩，自己又锺意唱歌，咪试吓自弹自唱，估唔到慢慢多人留意，有啲粉丝会追睇我嘅直播，都几开心㗎！」

宣传一样被考起
本身识弹钢琴、吹笛及弹结他和古筝的J.Lyn，虽然热爱音乐，但没想过有机会做歌手，所以能够有今次机会笑言开心到弹起，仲好粉丝心态话，「咁咪有机会可以睇到明星罗！」不过，要做真正歌手并不容易，单是录音已是一大挑战，「以前都唔觉得自己咬字有咁多问题，去到录音室畀Eric Kwok捉到我有好多懒音，有啲讲极都讲唔到，嗰吓真系有小小打撞到自信㗎！」

估唔到去到宣传J.Lyn一样被考起，「冇谂过录节目个厂系咁冻㗎！太冻真系会影响咗自己演出，仲有去电台做访问，又唔敢太直咁讲嘢，搞到好似冇乜反应咁，呢啲真系要慢慢适应同学习。」虽然遇到不少挫折，但未有打沉J.Lyn入行的决心，今年完成港大会计金融系课程后，便会全身投入娱乐圈工作，「今次机会咁难得，我好想认真去尝试，同埋自己性格真系唔系太适合咁刻板嘅工作。」