【头条独家】27年写不出好剧本 街坊装许冠文慢活人生攞灵感

今年77岁的「喜剧泰斗」许冠文(Michael)，3年前主演过新戏《一路顺风》后，近少都系客串性质拍电影，产量好少。虽然冇乜嘢做，但Michael都唔会hea喺屋企，反而会周围去感受吓生活，攞吓灵感。日前一个中午Michael独自现身铜锣湾白沙道搭14M专线小巴返渣甸山，当日天气和暖，不过Michael竟然著住件厚羽绒，拉鍊仲拉到上颈，明显系怕摄亲，睇嚟好识得养生。采访：粱志明

许冠文对上一次一脚踢，自编自导的作品已经是1992年的《神算》，并找来了黄子华一起编剧，可惜27年写唔出好剧本，所以宁愿啱先做，凑孙为乐，慢活享受人生。日前本报见到Michael一身黑色简朴街坊装，背住个侧背袋，兼拎住个红色胶袋出现铜锣湾白沙道搭专线小巴回家，保养得宜的Michael动作灵活，上落小巴轻松自在，绝对难唔到呢位老人家。上车后Michael好有条理咁先袋好买完嘢找续嘅钱，随即喺袋内攞出一包纸巾系咁「包云吞」，擤到连眼水都流埋，睇落唔多舒服。幸而Michael开工唔多，生活正常又健康，都系嗰句，小病是福罗。

对创作仍然有火
许冠文向来锺意喜剧及栋笃笑，之前他接受访问时提及过，因为大家常常都过得唔快乐，所以需要再向观众演绎生活中嘅悲伤，等大家得到共呜，用美好嘅角度睇呢个世界！不过，创作到一个贴地又鬼马嘅剧本唔容易，他坚持唔可以因为年老，就拍一些自己都接受唔到嘅作品，万一观众以为他等钱使点算好？但如果有好剧本，又会重燃心中团火。要睇Michael嘅好作品，咁大家要耐心等吓喇。