【头条独家】《识玩2》大派福利 33C陈睿雯接傅嘉莉捧水著吸收视

2019-12-26 18:42

TVB《3日2夜》大成功，同样由张志明监制的《识玩旅行团2》安排由索爆傅嘉莉（Kelly）水著上阵掀起热话，连73岁罗家英都赞好，Kelly大功告成，喺本周日(29日)嗰集就交捧畀25岁脆卜卜，喺《爱回家开心速递》经常著紧身短裙的「Anita」梁茵(Kiko) 及《3日2夜》「收视王」、43寸超长腿小花陈睿雯；同埋大大只潘梓锋(Bryan)接力抢收视。33C的小睿预告分别穿著着4套泳衣为观众谋福利，就算浸温泉浸到头晕身㷫，皱晒皮仲系抵嘅！至于「有料之人」Kiko自爆有水著大特写镜头，观众落足眼力去目测她三围数字吧！采访：方骞平

继杨潮凯、傅嘉莉、江嘉敏后，轮到梁茵、陈睿雯及潘梓锋到广西、中山、江门拍《识玩2》介绍好玩好食蒲点，呢组Fit爆身材成为卖点，事关个个都系有料之人，尤其33C、23、34小睿超索身材好抢Fo，连Bryan都有6块腹肌㗎！小睿透露今次要狂浸薄荷、重硫黄等温泉，所以有大量水著镜头，净系泳衣都换咗4套，水著数量一啲都唔输畀傅嘉莉，她笑说：「因为出发前两日先开工作会议，通知有大量水著镜头，所以临急临忙补水著货。虽然我卖点系搞笑，但我都唔介意晒身材，既然人哋畀机会你，作为艺人梗系愈出得镜多就愈好。」在旁的Bryan笑言：「真系好好睇...系指个泳池设计！」提到难忘经历，小睿话：「泡男人专用嘅极地温泉，体验『冰火鸳鸯池』时，浸完热水去冷水，真系冻到想喊！而喺酒店房间内嘅温泉水温特别热，因为不停重拍，浸到头晕晕，面红红，皱晒皮，要抖住浸。」