【头条独家】中环街头头岳岳陈奂仁一支公街市买菜

2019-12-18 15:03

嚟自新加坡嘅陈奂仁（Hanjin)初来香港发展时系肥仔一名，凭藉出色的音乐造诣，多年来卖艺不卖样，歌迷好Buy。不过，17年8月，Hanjin开始进行地狱式减肥，用咗8个月时间，由180磅减到150磅，「改头换面」成为肌肉猛男，毅力非凡。难得身形Keep足几年唔容易，日前就见佢喺中环街市铁皮档买菜，一买就买咗两个大椰菜同4个唐生菜，真系食菜都食饱。采访:张咏森

究竟 Hanjin点解突然减肥，当然同健康有关，佢话之前做身体检查，发现内脏脂肪过高，会容易导致血压高及心脏病，为健康著想，就开始健身训练消脂，训练内容以Strength Training（力量训练）及Cardio（带氧运动）如踩单车为主，锻练肌肉以达消脂效果。

头岳岳个样好搞笑
Hanjin减脂仲唔觉意操埋肌，健康晒又有型咗，完全双Win。日前下午，见到Hanjin一支公喺中环摆花街便利店买烟，然后行去嘉咸街，中间行过餐厅，食住烟嘅佢望吓放喺门口嘅餐牌，沿途不断头岳岳望住宅大厦外观，其间见到TVB艺人谢东闵，两人吹咗一阵水，之后再行去铁皮档买菜，佢买咗两个大椰菜，四个唐生菜，买完就将菜放喺背囊，然后再行返去摆花街截的士走。