【头条独家】圣诞前搜购过膝长靴 孙佳君红唇红颈巾衬绝行街

45岁的性感辣妈孙佳君虽已是两子之母，但坚持输人唔输阵，唔会输畀一班后生女，所以多年嚟不论身材同样貎都Keep住进化，与此同时，当然都要人靠衣装啦！眼见圣诞节及新年即将到来，孙佳君出动搜购派对场合战衣。日前厚红唇孙佳君现身中环IFC睇鞋，专攻明星最爱的秋冬大热鞋款过膝长靴，用嚟配衬短裙短裤及黑丝，即可变身25岁小野猫，性感可爱，索爆全场！采访：李权威

虽然唔系做女，但孙佳君依然对自己好有要求，自信心亦爆棚。月前她才风骚地自拍大头泳照放上网，图中可见可夹实枝笔的深坑事业线，相当浮夸！除咗有身材外，孙佳君亦都好重视一双美腿，原来她有晒腿瘾，时不时上载夹脚美腿相，大摆诱人pose。

得个试字
日前戴上「鬼面罩」及茶色太阳眼镜嘅孙佳君去中环shopping，大时大节多Party，点可以少咗对著到变长腿嘅长靴呢！见佢一枝箭咁冲入高级鞋店试有踭长boots，长Boots唔易着，有少少脂肪都着唔落，见索妈唔太难Handle，可见小腿够瘦。不过拣咗两对，试来试去都唔多合心意，搞到孙佳君冇晒瘾，好扫兴。但离开前都唔蚀底，对住块长身镜拨吓头发，照吓镜先，望真啲，原来佢白色衫衬埋白色指甲油；红唇衬咗深红颈巾，系经过悉心打扮嘅，唯一败笔系被双下巴出卖咗，真系岁月不饶人呢。