【头条独家】囝囝庞景峰拖狗买波鞋　郭秀云负责课金兼挽鞋

真系「世上只有妈妈好」，现年29岁的庞景峰（Andrew）有郭秀云呢个「廿四孝妈咪」，绝对是世上最幸福的宝宝呀！事关，郭秀云不单止容许对方无牌驾驶，搞到自己都被罚款兼停牌，早前两母子去铜锣湾行街，她更做「人肉柜员机」兼帮囝囝挽埋鞋，自己就非常悭家扫减价运动裤。到女友何佩珈（Peggy）来到，Andrew直头无视妈咪的存在，只顾跟Peggy吹水，搞到郭秀云劲冇瘾！采访：梁志明

郭秀云与儿子庞景峰向来母子情深，即使囝囝已经二十有九，但依然经常陪住妈咪出出入入，真系好黐家，好似早前落铜锣湾Shopping，Andrew都选择撇甩女友何佩珈，拖埋只狗仔跟妈咪去扫货。当晚6时许，两母子以All black look现身礼顿中心一间运动品牌专门店，手挽一袋二袋战利品的郭秀云，甫进店即主攻深色运动裤，左拼右拼一轮后，终于拣啱两条裤去Fitting，而Andrew则好快手，兜咗一圈便睇中一对过千元的Air Jordan，仲极速试完鞋，搞掂等畀钱！

挂住冧女冷落妈咪
最终，贵为「钢铁大王」庞鼎元孻仔庞杰妻子的郭秀云都好节俭，只系买了数百元一条的长裤。行到柜位准备科水，岂料阿仔居然拧歪面不为所动，郭秀云就好自然地拎张卡出嚟埋单，以为Andrew会自己拎番对波鞋啦，怎料呢位伟大嘅母亲孭住个大背囊，仲帮手攞埋个大袋，囝囝就负责拖狗兼拎两件细袋！之后，两人行到时代广场会合Peggy，在等车期间，Andrew一见女友即笑晒口挂住吹水，被冷落的郭秀云唯有两头望，又揿吓电话快快Call车走。