【头条独家】泰国直击胡慧冲地胆教路又食又买唐贝诗凌晨收工照去玩

2019-12-03 20:13

食食吓船面Lydia话饱，冲哥即爆，「食得太饱可以扣喉，但千祈唔好『寇鸿萍』（Lydia妈咪）！」冲哥都自嘲好烂，但Lydia一样笑唔停。

唐贝诗（Lydia）早前参与首部贺岁电影《大盗演》，跟有「泰国通」之称胡慧冲初结片缘，在泰国拍外景期间，Lydia当然搵埋地胆教路去至新至正好去处啦！呢日Lydia凌晨先收工，估唔到冲哥都搵到间新开通宵商场带佢去食同买，难怪Lydia话今次拍得超爽，似大班朋友去旅行，兼可以向一班前辈演员学嘢𠻹！采访：杜淑霞

有份拍《Do姐有问题》的冲哥早前专登订了个小金版送畀Do姐（郑裕玲），仲托Lydia帮手转交畀契妈Do姐。

冲哥呢日约Lydia去曼谷9月才新开的24小时商场，位于MRT Samyan 站的「Samyan Mitrtown」，「呢个商场因为好近大学区，方便啲学生温习完食吓嘢饮吓嘢，所以呢度开通宵，就算你几夜收工，嚟呢度都唔使担心冇嘢食。」

丧食大解放
Lydia坦承首次拍贺岁片好开心，因为觉得拍过贺岁片才是香港演员一份子，所以今次拍摄她好认真，希望以最佳状态演出，连日来都唔敢食大多嘢，「今次拍摄我都系演一个旅行团嘅团友，所以都有啲度假feel，不过今日有场露腰戏，所以要忍口唔敢食嘢怕会有肚腩，𠵱家终于可以大解放啦！」

于是冲哥就介绍Lydia去食传统船面，细细碗有唔同配搭口味，两个竟然食到唔知饱，食了足足十几碗，相当夸张。食完好嘢，冲哥再带Lydia去超巿扫零食，「呢间大Ｃ超巿好多人香港都识，但喺曼谷得呢间有24小时，嚟呢度就想几时扫货都得啦！」至于呢期泰国兴啲咩口味呢？冲哥就推介，「呢期最多就系咸蛋口味嘅嘢食，另外仲有啲泰国酱料嘅口味一样掂㗎！」Lydia当然好识做，扫咗大批零食请工作人员食。