长野疯狂浸温泉 谭嘉仪赞D Cup周佩婷无得输

因为替TVB刚播毕的热播剧《金宵大厦》翻唱陈百强的《今宵多珍重》，谭嘉仪人气大增。之前她就同D cup索女周佩婷（Angel）到日本富山、长野及立山黑部拍《3日2夜》，由于以亲亲大自然为主，水上活动唔多，喷血泳衣欠奉，32C谭嘉仪喺镜头前只系展现24寸小蛮腰，至于Angel身穿侧面穿窿的火红一件头泳衣，微露包唔晒的「事业线」，仍然养眼。采访：方骞平

《3日2夜》既有靓景，又有火辣身材靓女，刚推出的日本富山、长野篇轮到谭嘉仪及周佩婷showtime。谭嘉仪话此行主要系睇靓绝大自然景致，如立山黑部秋天山景及行壮观堤霸等，不过两人都有包住毛巾浸温泉，反而著泳衣机会唔太多，最难忘都系著住潜水衣款泳衣玩Flyboard，她表示好好玩。

Angel系言语治疗师
对于无机会穿泳衣出镜，谭嘉仪笑言可能监制怕佢着比坚尼会影响收视。「所以冇特别要求，只要大家舒服就得喇，今次冇机会著泳衣系小小可惜，我哋要玩反传统咁先特别，今次同周佩婷好玩得埋，都希望再结伴。虽然浸温泉时我哋冇玉帛相见，即使系包住毛巾都睇得出Angel身材好，又靓女，我呢啲梗系唔好出嚟献丑，我负责玩㗎咋。」Angel就话唔介意喺节目中Show小小性感，想畀观众正面及健康开心形象，原来她除咗做艺人外，仲系言语治疗师，帮小朋友、老人家解决沟通及吞咽问题，她好希望两份工作都得到发挥：「做多啲唔同种类节目，多发展才能，而唔系关注喺我身材方面。」