【修例风波】理大外播《四面楚歌》 警喊话：出嚟啦去投降（片段）

理工大学仍有部分示威者拒绝离开，警方连日戒备的同时，还透过扬声器向校园播应景歌和嗌咪劝降。有警员昨晚便透过扬声器，向示威者喊话，指「好寂寞、好孤单，喂，唔紧要嘅，出嚟啦，去投降。」

警员接著又指，「喂，其实你哋做咗犯法嘢，净系计你哋喺理工大学入面嘅刑事毁坏呀，犯罪行为嚟㗎嘛，要埋单㗎，要找数㗎，犯咗法就要伏法，基本嘅嘢嚟㗎啦，食咗嘢要俾钱埋单找数，最基本嘅道理嚟㗎，点解竟然有人希望犯咗法之后，系唔需要承担责任嘅？咁我嘅存在咪好无意义？

做人唔可以咁自私嘅，知唔知道呀，谂下人哋吖，你整烂啲地铁，挖烂晒啲路。我都未见过理工大学出面有沙滩嘅真系，真系心里有沙那里不是马尔代夫呀真系。

喂，唔紧要嘅，如果你冥顽不灵嘅，我哋陪你，过完圣诞、过埋农历年、过埋复活节都陪你嘅。哎吔，但系，当你哋人愈嚟愈少，去投降嘅人愈嚟愈多嘅时候，我哋攻入嚟嘅时候希望你哋唔好反抗喎，知唔知道呀。喂，最后送一首歌俾大家，周杰伦嘅《四面楚歌》。」

除昨日外，警方日前已先后于理大外，播放包括电影《监狱风云》主题曲《友谊之光》、陈奕迅的《十面埋伏》及李克勤的《告别校园时》等流行曲劝降。

*短片为网止片段