【维港会】落区被问催泪弹影响 高永文愈讲愈激动

唔少市民关注催泪弹对市民健康是否有影响，网上流传一段短片，前食卫局局长高永文在慈云山，被人追问催泪弹对健康带来的影响，更质疑佢回避回题，高永文一度显得颇「劳气」。

片段约3分钟，高永文身处慈云山疑参与选举拉票活动，有市民问佢面对大量催泪弹，市民健康如何获得保障。高永文未及回应，对方仍继续讲话，高医生即说「你讲完话我听，我先讲；因为你系想自己讲，定我讲？」。

对方其后让高医生回应，佢就答「警察有佢哋嘅职务，去用最低武力保持社会嘅健康，但面对又汽油弹、又腐蚀性液体，又阻住市民返工生活，呢种情况我相信唔可以继续。我知道青年心里有一团火，不过，我话畀你听，我30几年行医学习咗一样嘢，就算自己认为好啱嘅......」，未讲完就被市民截断，要求佢回应催泪弹问题，希望高医生以专业去解答人民健康问题，并非讲暴力同汽油弹问题。

高医生闻言即带点「劳气」回应：「如果你讲到汽油弹同腐蚀液体对人身体有几大伤害，我哋有啲执法人员受到二级、三级烧伤，仲喺医院，佢哋将来面对系一个好艰苦嘅生活，我做医生，我就知道，嗰啲汽油弹烧到人危殆呀！」

佢愈说愈激动：「我知道，我知道。每一样嘢，每一件暴力都会对身体有影响，你有冇问过边个人用暴力先？」佢未讲完，对方就话无嘢问、明白佢嘅立场，短片就此结束。