【头条独家】冇打算取消周五麦花臣处女骚汉洋向谭嘉荃大派定心丸

2019-11-17 19:16

为庆祝入行20年，谭嘉荃（Amy）决定今年举行处女个唱「谭嘉荃《一路上有你》演唱会」。原定9月在九展开骚，后因天气关系延期至本月22日，还改在大3倍的旺角麦花臣场馆演出。因此，Amy反而开心，而且她有更多时间准备。不过，眼见今午主办单位突然在FB专页宣布取消晚上的RubberBand及Eman演唱会，Amy系有顾忧嘅。据经理人汉洋表示，两人有为此作出沟通，他拍心口说：「因为系佢嘅处女骚，不论佢同观众都好想继续，就算点样都会做，最坏打算咪再改期，绝对唔会取消咗就算，如非状况太坏或者出咗宵禁令，尽可能都想如期演出，或者会提早开骚，希望尽快可以散场。」

汉洋又分析形势说：「因为区议会选举喺下周日（24日）举行，我相信喺选举前夕大家都会抖一抖，不论咩政见立场都想如期进行选举，大环境应该会比较平静，而且麦花臣球场球同弥敦道战场有段距离，照计周五应该冇乜大问题。」日前Amy曾开FB Live试水温，收到3000几个like，反应属意料之外：「仲谂住个个睇紧新闻直播，估唔到仲有好多人追踪佢个Live，比以前做直播反应更好，原来大家紧张局势同时都要纾缓情绪，既然改变唔到嘅事实，The show must go on，只希望局势尽快平静落嚟。而开Live期间，唔少观众都表达想继续睇show。」