入行十年获莫文蔚关顾 王梓轩爆石佑珊keep住面黑
2019-11-17 16:43 
王梓轩（Jonathan）将于下月20、21日在会展举行两场演唱会，为入行十周年做个小总结，他更点名多谢这十年间曾经出现过的每一个战友，尤以经理人石佑珊，仲爆料指睇返他跟嘅旧照，珊珊块面都好黑：「冇石佑珊，何来王梓轩？我哋九年前开始合作，其后佢再成为我经理人，佢好努力令我哋嘅团队团结，好多时佢会牺牲咗自己嘅休息时间同埋形象，我哋笑咗佢好耐，可能平时佢匆匆忙忙做嘢，所以每张相影到佢都系黑面。」
Jonathan亦特别感谢「家姐」莫文蔚（Karen），他说：「每次佢忙完返嚟香港都会搵我，睇吓我点，畀我意见，有一期我放多咗时间喺影视上，我变得失去平衡，好迷失，应唔应该继续行，点样畀观众知我系一位歌手，但Karen叫我唔使理，观众只会在意我嘅作品好唔好，而唔系我系歌手定系演员，佢要我做好自己嘅作品就得，佢真系点醒咗我！」
關鍵字
最新回应