星级万圣节 陈豪茵媺一家五口 化身「吸血僵尸家族」

万圣节奉旨扮鬼扮马，好多大人就想呃Like，小朋友又最想得到乜嘢呢？茵媺啱啱就分享咗佢嘅亲身体验～～
话说茵媺响社交网站分享咗两张新相，可见佢哋一家化身「吸血僵尸家族」！三位小朋友看似好投入，茵媺和爱女Camilla「张牙舞爪」，七情上面，认真应节。茵媺透露，原来第一张相系茵媺同仔女响参加万圣节派对前影嘅，陈豪就身在大马进行拍摄工作。
等陈豪返嚟，一家五口再影一张「恐布」全家福，陈豪好投入做僵尸爸爸，扬起披肩劲有气势！茵媺就笑言，三位仔女第一次好投入扮鬼扮马系因为有糖果，今次就睇嚟无咁投入嘞！