【头条名人】随郑明明赴美交流 罗霖学美容等吸金

罗霖（Candy）现母兼父职照顾三个仔和养家，因嚟紧会成为一间上海美容院嘅合夥人，为咗学多啲嘢，早前她跟随郑明明到美国芝加哥出席国际性美容协会Cidesco嘅活动，听讲座和了解最新嘅美容仪器，又可以交流美容心得，她更开心恭贺明明姐夺得大会颁发嘅荣誉大奖。由于今次属学术交流，即使是首次到芝加哥，她都冇乜时间去游览和shopping，最难是适应时差，笑言可能真的年纪大了！  撰文：李佩仪

Candy表示欢迎会有32个国家参加，非常热闹，活动除咗听美容讲座，又有很多最新嘅美容仪器介绍，她说：「有一日我哋仲去参观全芝加哥最大嘅美容院，里面仲有发型屋、修甲和按摩等，真系大开眼界！」今次她还要恭喜明明姐，因她获大会颁发「美业专业贡献功绩勋章」，实在可喜可贺！而Candy最难忘是闭幕礼，因为各地代表团要着民族服饰出席，身材好fit嘅佢以旗袍上阵。问她事前要keep fit吗？她笑言：「好在之前出完美容书到𠵱家都冇肥番。」

去过美国好多次嘅Candy，首度去芝加哥，可惜因行程紧密难抽时间周围游览，就算系shopping都只系买维他命。加上当地唔算好多美食，有一晚大会安排她们到99餐厅吃自助餐，在99楼睇靓景无得顶，惜食物一般，平时她多数去酒店附近食中菜。而今次最难适应是时差，她说：「我好怕飞美国，因为时差问题几严重，成日都系日头眼瞓、夜晚瞓唔着，以前做空姐冇呢个问题，可能真系年纪大咗！」她续称今次学到好多嘢，对嚟紧在上海任美容院合夥人都有帮助。