【头条独家】贾思乐怕佗B杨思琦太兴奋 开Show又食又拎感激阿戚

贾思乐（Louie）将于下月12及13日在文化中心举行《Me & My Girls in Concert 2019(part2)》，并邀得电视台过去及现在的六大花旦戚美珍、毛舜筠、向海岚、陈秀雯、杨思琦及陈炜担任嘉宾，除「三嫂」阿戚是Louie生命中的天使外，毛姐同陈秀雯亦好难请得到，而思琦妹大住个肚同他合唱亦非常难得！Louie笑说：「我从未同过大肚嘅女士喺台上表演，兴奋同开心，知道佢有咗，我有小小忠告畀佢，就系唔好喺台上咁兴奋，惊佢太开心时，唱唱吓个bb砵一声生咗出嚟就好笑喇。」采访：方骞平

对于杨思琦秘婚及再做妈咪，贾思乐之前全不知情，早于7月9日影宣传海报时，初孕的思琦著住由何国钲设计的束腰Deep V红裙，思琦身形还未见有异，加上思琦向来系有料之人，所以并唔察觉其胸部有怀孕的膨胀。直至最近听到思琦喜讯，贾思乐兴奋说：「真系好恭喜佢，佢话我脚头旺佢，相信佢都旺我嘅，到时我同佢合唱张学友一首难度好高嘅英文歌，我一定会扶佢上落台，照顾周到。」

阿戚赞Louie人品好
Louie坦言同思琦唔熟，「第一次见佢系佢出席一个活动，我做司仪，喺后台见佢好静，我咪坐佢隔离同佢倾偈，后来知佢识唱歌，因为好少港姐自称会唱歌所以对佢特别有印象。原先5月尾我搵佢时，佢话要返美国帮唔到我，后来又话好想同我合作而延期返美。」至于「三嫂」是Louie的大恩人：「佢唔会托我手踭，记得20年前离开电台，事业低潮时想出返嚟唱歌，因为资金有限要搵赞助，我就攞住演唱会海报去敲佢眼镜铺头门，硬住头皮开口想佢赞助万元金额，佢爽快答应仲开出双倍数字话：『我畀多少少嚟鼓励你，出返嚟唱歌要型同靓。』语毕攞咗几盒眼镜出嚟任我拣，我好眼浅，又食又拎感动到眼有泪光，后来佢仲买咗近百张门票嚟支持我。」阿戚指贾思乐人品好，非常抵锡。