【修例风波】蒙面城大生校内游行 促校长公开对话谴责警暴

城市大学有近20名身穿黑衣并戴上口罩的学生，早上9时在校内举行集会和游行，呼吁学生杯葛稍后进行的副校对话会。

杨同学表示，校方只让40名学生参与对话，亦不公开给传媒以至校媒采访，形容是「小圈子闭门会议」，明言学生即使被抽中，亦不会入内与副校长对话，直至校长郭位愿意公开对话。

该批学生表示，要求郭位就近日的反对修订《逃犯条例》示威公开与学生对话，并承诺保护学生及谴责警暴。

他们手持「杯葛闭门会议」、「公开对话」标语，并高呼「还我郭位，公开对话」及「保护学生，谴责警暴」口号，明言被抽中的学生均不会入内对话。

他们其后到对话会场外继续高呼口号，并将写上「亲，不要再龟缩喔」、「有种就躲回台湾，枉为一校之长」字句的纸张贴在门上，期间有被抽中参与的学生欲开门进入，但被其他学生阻止后，便戴上口罩并加入该批示威学生。

到早上10时许，一名声称被抽中的学生要求入内，示威学生便趁机涌入内。城大对外事务及传讯部总监靳清松其后出现，转述上级指，本地本科生节的对话会已取消，学生质疑是否针对本地生、校方有甚么考虑因素。目前，学生以静坐形式抗议。

城大学生声明：

咁多位传媒，城大学生，教师。点解我哋今日要朝头早9点去呢到？ 上星期三学生事务副校长叶豪盛教授系u circle同我哋对话，话学校有责任支援学生，保障学生安全，但我哋问佢有警务人员喺校园范围武力制服学生，佢就答「我唔知，保安（冇）同我讲」，我哋问佢知唔知有几多城大嘅学生比人拉，佢又答「唔知，学生会冇同佢（我）讲」，然后佢又承诺话校方会解答我哋学生问题，举行公开对话，但我哋咁耐以嚟得到啲咩嘢？学生会一个钟收到36条问题，然后学校冇回应过；举行公开对话，本地生得40人嘅所谓公开对话，连地点都冇公开嘅所谓公开对话。仲有，城大校长郭位呢？学校专用嚟告老师嘅法律团队呢？叶豪盛教授，你嘅公开对话，话保障学生安全，其实系唔系你两个副校长嘅公关show，喺学生眼中，只系一场唔好笑嘅栋笃笑。 我哋真正要嘅，系一个公开对话，一个全部学生都可以发表问题嘅公开对话，一个可以真正承诺保护学生嘅公开对话。请问，我哋只系唔想喺ac1食下饭倾下时势果阵，发现原来一个警察坐喺我哋隔离；我哋只系想有病有痛果阵，戴口罩唔会比人问话甚至制服。我哋只系大学生，要一个自由嘅学习环境一啲都唔过份，郭位教授，你喺呢度就最大，一校之长，学生需要你，而你绝对有能力同埋亦有责任保障呢个地方，保障学生。能够代表一间大学嘅，唔系排名，而系学生、老师同埋你嘅管理。你已经避左四个月啦，唔可以再扮唔知扮睇唔到啦，学生需要你。

建立时间：10:48
更新时间：12:27