冇嬲仲要担心张致恒 关智斌红馆处男骚感触爆喊

关智斌（Kenny）昨晚在红馆开处男演唱会，他在演唱一曲《代表作》前说：「其实BOYZ只成立咗两年就拆夥各自发展，我知道自己天资有限，但今晚已经尽了全力，我一直以为人生是加法，不停追求想要物质，但因为呢个骚，我想到人生其实是一种减法呢？减去咗我嘅青春，我嘅笑容，减去同你共同拼命嘅队友，仍有人好好喺你身边支持你嘅时候，你一定要好好珍惜，所以今晚我一定永世难忘。」当他唱出张敬轩为他作曲的《预言书》时，终于忍不住哭了出来。

Kenny重提拍档张致恒（Steven）事件，他指这个本是BOYZ演唱会，发生那事件，很多人问他有没有嬲？他说：「其实我系失望比较多，Steven第二日已经打电畀我郑重道歉，嗰刻我已经冇嬲。我系担心佢，不知佢点面对日后生活，我唔系想叫大家原谅佢，亦未必好适合由我嚟讲说值唔值得原谅。佢是我出生入死嘅好兄弟，大家一齐住一齐玩，当中好多汗水、泪水，都只有我哋先体会到，经历呢两个月嘅事，我更加感触，亦有啲遗憾，但我仍想用写畀BOYZ上次演唱会呢首歌《大男孩》作为最后一首歌。」