【兄弟情不变】Steven注册结婚无到场 Kenny：唔介意无叫我观礼

关智斌（Kenny）、黄宗泽（Bosco）和邓丽欣（Stephy）出席品牌活动，当Bosco遇上Kenny，第一句就说：「我深感内疚、惭愧、不快兼心虚，因为兄弟一场，原本应承Kenny做佢演唱会表演嘉宾，但撞了期要飞往日本拍摄。不过我都有主动自荐为佢拍片或录开场白，但佢唔覆短讯，可能佢嬲咗我，所以我都嬲佢，互嬲！」Kenny笑谓：「Bosco应该内疚，因为佢答应咗我又飞走，令我心碎！(没有回覆Bosco短讯？)系咩，我咁衰咩？因为同佢拍戏的3、4个月中，佢经常整蛊我，分唔清佢边句讲真、边句系假，最好的方法系『冷』处理，不闻、不问、不回覆！不过要佢拍片就实在太过大才小用，原本想佢一齐上台高歌一曲，跟住比个胶袋佢，等佢可以还乐坛一个交代。」

说到张敬轩主动为他做调音师、更提供上门服务；Kenny搞笑道：「哗，佢咁抵得谂？佢已经调完容祖儿个音10几日，仲有时间帮人上门调音？不过我今次系处男骚，真系需要好好调音。(是否如轩仔所言，调音用轻轻的阴力较适宜？)咁话晒系我第一次，难免会紧张，真系要畀封利是佢；如果佢调得好，我仲会畀佢上台讲两句，宣传佢11月的演唱会。」

对于张致恒（Steven）日前注册，Kenny谓：「当日我已经传短讯恭喜佢，佢无叫我观礼，可能想低调啲，我亦唔介意，佢话之后会约食饭或补办婚宴，到时我都会去。」至于已跟Steven割席的轩仔和Twins会否出席饭局，Kenny表示要留待他们本人回答；亦未有正面回应是否借钱给Steven还债，只道二人相识多年，有时会互相支付费用，所以不会记在心里。

而Bosco未能借Kenny舞台为自己还乐坛一个交代，就改为要求Stephy开骚让他做嘉宾圆梦；怎料Stephy称：「可能要等到天荒地老。」问到Bosco会否再出新歌？他表示不会，之前的新歌《发梦之王》不过是玩票性质说要有个交代。