【逃犯条例】老妇撕毁连侬墙 女儿代致歉：撕咗可再贴毋须点人相

反对修订《逃犯条例》的社会冲突持续，有反对修例市民自发在各区布置支持示威的「连侬墙」标贴表达意见，但一名老妇昨日在大埔行人隧道撕毁一些标贴，引起反对者批评。而自称是老妇的女儿在网上致歉，希望外界包容体谅。

有网民在群组「Tai Po 大埔」上载一张老妇的照片，称「认住呢个阿婆，啲人劝佢收手唔好搣佢系都要坚持」，引发一群网民炮轰，「撕一贴百，好快阿婆就会见到成条隧道都系自己个样㗎啦」；但也有人认为「贴嘅冇权，搣嘅都冇权，两边都有问题，所以打和啦！」、「劝佢离开！闹人唔使用到啲字咁毒㗎！大埔人出名好心地！闹咗个阿婆就毁咗大埔人形象！」。

一名自称是老妇的女儿在同一群组回应，称「我明白大家对于连侬墙贴纸被撕感到愤怒，但系我觉得撕左咪再贴罗，无谓特登点人相，又话要印出黎派，我认为咁样有啲过火」。

女儿解释，「我妈妈本身性格固执，改变唔到，即使我系黄都改变唔到佢，我谂大家意见唔同，我都会听下佢既谂法。其实老人家都系唔想变，唔想乱，亦唔会去谂大家既做法背后既意义」。女儿指，「我都尊重佢，而佢今次咁激动去破坏啲野，佢只系太直率去表达佢自己既谂法，我向大家讲声对唔住」，她会同老人家再沟通，希望大家不要再针对其母亲，集中对付违规警员、撤回修例等五大诉求。

有网民认为，「我觉得需要互相尊重，因为每一张Memo对于我哋嚟讲都系有感情，用口讲系冇问题，你锺意咪写你嘅诉求贴上去罗，但系如果动手嘅话，我觉得无论年轻定系年老，一视同仁」；更有人将矛头对向女儿「楼主， 你知唔知大家花咗几多精神，心机，时间，心血，甚至要冒上俾人打嘅危险?你讲嗰句，『搣咗落嚟咪贴返上去罗』仲难听过粗口」。