贝依霖被指「蓝丝」 杜汶泽拍片解画

反修例事件引发连串社会争议，有部分艺人表示支持示威者，亦有不少艺人发声支持警方执法。

而杜汶泽公司旗下的女艺人贝依霖（Chantale）日前在社交网站上因发表疑反对示威者等相关言论，因而被网民标签为「蓝丝」，更质问杜汶泽：「杜先生，你应该好明白你嗰台嘅观众系咩人，点解可以一路笑骑骑同咁嘅人合作？」更表示如若不开除贝依霖，将会罢看其网台。

其后，杜汶泽于今日在其网台上载一段约20分钟名为「小杜消息」的短片向观众解释事件。片中杜汶泽读出一堆贝依霖于社交网站发表的言论，当中有骂示威者、亦有骂撑警人士、更有骂网民的言论，杜汶泽指：「佢未必系蓝丝嚟，佢见到啲咩嘢觉得不满就出声。」

对于有网民指：「杜汶泽人格有问题，条女政治立场佢根本唔care，最紧要畀你班咸湿仔J，佢就有钱赚。」杜汶泽回应：「我好想讲，系咪而家呢个社会就系你要迫佢去表态，佢唔表态就系有嫌疑，如果佢系蓝丝我哋就唔用得佢？」

杜汶泽续指，Chantale是他们公司的「开国功臣」，「炒咗佢我咪不仁不义？」杜汶泽又说道：「我觉得，系咪真系要去了解下件事先呢？系咪真系要了解下Chantale，到底系点谂？如果佢系唔知嘅，我系咪应该畀多啲资讯佢知，等佢了解下，检讨下自己如果啲嘢跟得唔贴，系咪应该唔好咁易下判断？」

最后杜汶泽强调：「我系开放讨论嘅，我好想畀大家一个同我讨论嘅空间，大家可以留言，我会每一个都睇，从而去睇返究竟我哋应该点样去处理Chantale呢件事。」

对于杜汶泽出面回应，网民反应两极，有人表示：「杜汶泽我支持嘅，不过贝依霖真系太离谱」，亦有人说：「杜汶泽都几double standard」。