接受杜汶泽道歉 程美段拒再合作否认割席

在无綫节目《美女厨房》担任美女学徒的程美段（Kiwi），早前因被为杜汶泽的网上煮食节目拍摄后被拖欠人工，双方隔空驳火，昨日杜汶泽终分别在网上及于网上节目中公开道歉后，今日程美段在网上表示，接受杜汶泽道歉，又引用杜汶泽执导电影《空手道》的一句宣传语句︰「在艰弥厉，战斗到底」以证自己的坚定。

Kiwi在Facebook上载一段长文表示：「啱啱收到杜汶泽先生真诚嘅道歉，我程美段公开表示接受，同时欣赏你愿意喺几千人嘅直播中和解呢件事，非常欣赏。好多网民估我哋呢单大龙凤，最后我同杜生可能系世纪大和解，齐齐再上LateShow Super，呢个说法实在太侮辱我哋双方，我相信彼此当初每一只字都系真心真意，绝无造假。所以小妹为保我同杜生嘅声誉，只好厚住面皮单方面咁宣布唔会再同LateShow呢个平台合作，此举绝非割席，只系唔想一个70万人嘅平台俾我有所污蔑，喺度程美段祝LateShow欣欣向荣，快啲勇闯百万。

成件事正式完结，呢篇文章亦都系最后一次回应，就算嚟紧有几个因为呢次事年而得到嘅甜头专访，我都向记者表明唔会再讲一字一句，小妹喺度带定头盔，希望记者们多多包涵。

嚟紧程美段都会努力工作，仕途如何我都会按自己方向努力加油，人最紧要就系坚持，就好似香港人成日讲嘅自强一样，呢个世界无人帮到你，就算话有，都系呃你。」

最后还引用《空手道》的一句宣传语句︰「在艰弥厉，战斗到底」以证自己的坚定，以𠔏勉之添。