【维港会】女童「大头虾」跌逾3000元车费 好心地盘工寻获归还

不少人大意跌钱，都打定输数预料未能寻回。大埔一名小朋友上学时，「大头虾」跌了装有逾3000元的车费袋，其母得知后立即到街上「地毡式」搜查，但仍未能寻回，幸有好心地盘工人发现将车费袋送回学校，令她非常感动。

网民苏珊在Facebook「大埔」群组发文，指今早其女儿上学时大意跌了车费袋，内有3180元，「个女喊住打返屋企话唔见咗个车费袋，我即刻落街搵咗好耐，垃圾桶都睇咗，坑渠都睇咗都搵唔到，一路搵一路想喊.最后好失望咁返屋企。」

她称，当回到家中时电话就响起，原来是学校来电，指有好心人执到车费袋，「嗰一刻我真系喊咗出嚟，好心人仲留咗个电话俾我，我即刻打电话俾好心人即刻去搵好心人拎返。」她称，逾3000元足够她一家四口买一个月餸，想表扬一下好心人，「边个话做地盘系粗人」，最后向他道谢。

不少网民都大赞好人好事，「做地盘搵嘅系辛苦钱！佢地知搵钱辛苦，所以会从自己处境出发！呢D钱一定唔会贪！搭交通工具时，通常让坐既都系你口讲既这些粗人！佢地比西装友更有同理心」、「好人好事令社会和阶，令人心温暖，真好」。