【维港会】食$30早餐畀「金牛」要餐厅唱散找钱 伙计高招玩谢OL

本港不少小店、食肆都会写明拒收500或1000元大钞，以免不够零钱及减低收到假钞风险。但有餐厅伙计发帖吐苦水，指遇到女白领帮衬一个盛惠30多元的早餐后，竟以千元大钞埋单，称「就系想你找散畀我」，但表明不接受找太多细面值纸币，着伙计不够散纸的话「自己出去唱」。伙计其后现OL有足够散纸，于是在唱钱时出奇招，令OL大为崩溃，并指自己有散纸，「我而家就埋单，唔使唱散好唔好？」OL最终苦等1小时，终获找回900多元。

该名自称在平民餐厅工作的伙计在facebook群组「西客之道 Hispitality Secret」投稿，表示「希望咁多位贵客要知道铺头系冇义务去帮各位打散你哋啲大纸，一个系咁两个系咁，个个都系咁......系咪各位搞错咗啲咩呢？」他分享奇遇，指日前早上9时许，一名OL吃完价值30多元的早餐后，以「金牛」埋单。他见状「即时反白眼」，并问对方：「有冇细张少少嘅？冇咁多散纸找唔开。」但OL则回答：「冇喎，我就系想你找散畀我呀嘛！」

伙计在文中表示，「朝早就塞张大纸过嚟，500蚊都叫有可能找得开，1000蚊纸找乜嘢呀？」此外，他指OL亦表明不接受找回10元、20元钞票，「散成咁梗系唔得啦」。他于是建议OL放低物品抵押，自行将「金牛」唱散后再埋单，但对方反驳：「点解要我放低啲嘢做抵押呀，你哋自己出去唱罗，我而家畀咗1000等住你哋找返900几蚊畀我呀！」但伙计当时看到OL的银包内有散纸，「蓝色、缘色、红色都有」，她却「系要拎张金色出嚟，就唔好怪我哋唔客气啦」。

该伙记遂叫另一名同事出去「唱钱」，更特别嘱咐「唔需要急，最重要啱」，结果该同事迟迟未回，令OL大感不耐烦，又质疑为何要到银行唱钱。约45分钟后，OL终忍受不了，称「其实我有散纸架，我而家就埋单，唔洗唱散好唔好？」而唱钱同事最后约一句钟后回来，向OL找回900多元散纸。伙记在文中「得戚」地说：「其实同事过隔离铺唱钱只系5分钟，不过去咗第二到食埋个早餐先返嚟啫，早知叫佢买埋餸先返嚟啦！」

帖文掀起热议，不少网民笑言「大快人心」，「一开始自己有嘅就畀散啦，态度又咁X，抵被人玩」、「我成日都咁讲，对付呢啲人，你要做得夸张过佢10倍、50倍、100倍，咁佢先识衰！」。另有人认为，对方想将大面值纸币「打散」没有问题，「但人哋铺头出到声无就畀返细纸啦，无义务一定要帮你，真的架自己丢」。