【维港会】连登仔请亲戚饮茶变「老奉」 请少次即被闹：应该要知人情世故

与亲戚食饭饮茶大多都是轮流请客，一名连登仔近日呻有一班「无耻亲戚」，每次饮茶都例必「斗拖」不付钱，等他出手埋单。他日前母亲节与该班亲戚再次饮茶，难忍「老奉」埋单，故刻意未有主动结帐，但亲戚竟当场高呼「你未畀钱呀」，晚上更致电斥责他没有礼貌、不懂人情世故，并要求他夹钱，引起网民讨论。

20多岁的连登仔「你是」前日以「有一种亲戚叫无耻」为题发帖，指在社会工作了数年，「有一班亲戚次次出嚟饮茶都唔畀钱，年龄大概40至60，啲仔女系废青，拍拍屁股就走咗。」他称，与亲戚饮茶时经常无人埋单，故母亲就叫他负责，免令场面尴尬，「畀完之后都大家都唔会讲主动夹返钱，我都算啦，几百元平时食都食咗。」

到母亲节当日，他再次与亲戚饮茶，并萌生一种想法，「之前都畀咗大大话话八、九次，今次试下唔好畀」，故他在埋单时自行离去，但一名亲戚当众高呼「你未畀钱呀」，令他感到惊讶，「个意思系叫我请晒，唔系夹钱。立刻好兴(㷫)，老奉咩而家！所以扮听唔到走咗。」

他表示，该名亲戚当晚竟致电他「训斥」，「你今日做咩唔畀钱走咗，知唔知好无礼貌，我唔理呀你要夹返钱，你有份食，你咁大个人应该要知呢啲人情世故，你知唔知呀，我教醒你咋！」

他对此感到十分不满，「其实张单唔使1000蚊，之前你哋都无主动话夹，我又打畀你话你无夹咩？为咗几百元做到咁丑！」他续指，由于亲戚在年幼时曾照顾过他，故会不时饮茶聚会，「谂住孝敬老人家，大个谂住请返佢哋，点知次次变左老奉。」

不少网民都替事主不值，「系我就继续去食饭，到你餐餐唔使比拍拍箩柚就走，问你做乜唔畀钱就摆低自己果份」、「一日唔反抗，佢地都继续当你水鱼，又唔系冇手冇脚，佢地唔识自己比钱咩。」

亦有网民认为母亲节应由后辈请客，「母亲节后辈请就合理嘅，但应该大大声叫哂其他后生仔女一齐夹，再加多句之前咁多餐都系我俾，系时候一齐孝敬下啲老人家啦」、「后生一辈唔熟上一辈关系，真系唔好开拖啊」。