【维港会】公公戏言自己年老就嚟死 孙女车厢爆喊：你唔好死呀

由于父母平日忙于工作，不少有网民在网上发文，指近日乘搭轻铁并经过青松站时，一个公公与其孙女在谈及拜山时，孙女听到公公说：「我好老㗎啦，我都就嚟死㗎啦！」后，随即爆喊。

该网民在facebook群组「巴打丝打 Facebook Club」发文，指经过轻铁青松站时，孙女问公公「做咩咁多人嘅？」时，公公随即回答因为拜山。其后，孙女忆及自己上次拜姨婆的经历，并问「姨婆系咪死咗㗎啦？」及「系咪唔会再返屋企㗎啦？」，并反问公公「咁你呢？」。该公公回答指，「我好老㗎啦，我都就嚟死㗎啦！」，以及「无人凑你㗎啦，你自己返学㗎啦！」。孙女闻言后随即爆喊，并指「公公，你唔好死呀，你唔好死呀」，并由青松站喊至兆康站，直至公公指 ：「好啦好啦，我唔死啦」，才停止哭泣。其感动场面令楼主不禁留言指，「傻妹，你公公点舍得死呀，佢仲要系以后，当你数学考试唔合格、升唔到第一志愿嘅中学、俾朋友杯葛、俾人飞、俾老板炒、同老公嘈交……嘅时候，好似依家咁帮你抹眼泪的。」

不少网民其后纷纷直呼感动，并留言指，「大个如果睇返公公咁回答，其实好感动、好窝心，绝对系一个安全嘅避风塘同强大后盾」、「老人家真系好锡自己孙仔孙女」、「人间有爱」、「有洋葱啊」、「睇到眼湿湿」等。另外，亦有不少人因帖文，而忆起自己的公公，指「我都好挂住我公公，以前细个返学前成日同佢饮早茶，但佢今年年头已经过咗身」、「我细个时都系公公凑，有日公公死咗，果时我仲细，唔知公公死咗…之后真系冇人再凑我返学，公公亦冇再接我放学买雪糕…」等。