乐●活｜生酮火锅 吃得开怀

早几日，接到正进行生酮饮食嘅朋友兴奋地喺群组约「边炉局」，话想试试新嘅生酮火锅，咁可以打边炉，又可以吃得开怀、健康嘅边炉当然奉陪到底！

平时提起打边炉，第一印象都系致肥、很邪恶……但朋友今次话去试、由渝味晓宇重庆老火锅邀请生酮饮食达人唐贝诗（Lydia ）合作设计嘅生酮火锅菜单，就既能符合高脂肪、适量蛋白质和低醣（即碳水化合物）嘅生酮饮食原则，又健康好味之选。

今次Lydia联乘渝味晓宇重庆老火锅，巧妙地运用佢嘅生酮饮食知识及经验，配合渝味晓宇嘅食材，创出令人惊喜的健康生酮火锅菜单，就连调味料都转用埋适合生酮人士。除多款生酮火锅汤底外，仲有海带制成海带面，主要是纤维，接近零卡，比一般面质爽脆。菜单亦精挑细选多款符合生酮饮食的荤菜及素菜，供食客选择，当中不乏渝味晓宇特色嘅稻田毛肚、大刀猪腰肝、鲜黄喉、鲜鹅肠、功夫莴笋片、海带苗、乾贡菜等。

汤底可以话系打边炉嘅重点之一，奉行生酮饮食嘅朋友可以选择用上三黄鸡加入花胶、新鲜虫草花、杞子及鶏汤等肴制嘅养生花胶鸡锅，美味又健康。为照顾生酮人士亦会邀约非生酮朋友一同打边炉，渝味晓宇重庆老火锅亦特设鸳鸯锅底，一边可选以下生酮汤底，另一边可同锅点选传统大红重庆麻辣汤底，让「食极唔肥」的朋友同枱享用，共尝美味。

汤底、配菜外，就连打边炉必备饮品及调味料亦备有生酮之选，当中包括青柠梳打、生酮杂莓梳打 、生酮杂莓汁鸡尾酒，全部都采用了生酮糖作为代用糖，均是无糖饮料，仲有甜味来自无添加罗汉果糖嘅罗汉果茶，生津解渴，亦都十分适合生酮人士饮用。

生酮调味料方便就有生酮鸡粉、生酮酱油、生酮糖。渝味晓宇生酮火锅菜单于即日至8月31日于全綫分店提供。

作者：Laurie Wu（爱保健爱旅游爱购物的熟女）

[email protected]