阿碌开咪｜新特首「呼之欲出」

周一本报A1头条独家消息——《中联办约晤建制「元老」，徵询特首人选意见》。

报道一出，手机群组立即爆炸，互问：「点睇？」

有此一问，正因提名期已杀埋身，而家先做「徵询」？即系乜？即系未有确定「祝福人选」，又或者仍十五十六。为求稳阵，再「一对一」（即唔该坦白！）找爱国爱港阵营重点人马摸底。

小弟与众多分析界、官界及政界老友交换睇法过程，有位K哥与我相同，对某某人选有点「发现」。正是有位「永远热心选特首」人士，突然公开话——新特首人选已「呼之欲出」。

喂，乜叫呼之欲出？

讲的这位人士边个？咪系Regina罗。唔好问我边个系Regina呀，若咁都唔知，你无谓睇落去嘞，因阁下乃「政治一嚿云」！

Regina的讲法非常有趣，大概指出，中央如今的布局，对香港，非常重视三点：一、国家安全；二、香港治安；三、反恐部署。因此早由内地调派三大部门头头坐镇香港，绝不容以上三方面出乱子。

故由此思路进发，下任特首人选，除必定是对国家忠诚（百分百信得过）、爱国爱港外，更重要是对上面三项重点工作都有深入认识。此外，下任特首当然应该对政府运作了如指掌，有丰富行政经验。

具有以上几大范畴条件的香港人，根本不多。若中央以「稳定压倒一切」作大局思考，下任特首人选已应「呼之欲出」了。

各位，睇到呢处，你可推断到Regina所讲的人是谁呢？估中无奖，哈哈哈！正是佢自己！事实佢的确具备所有条件兼无人不佩服的burningdesiretobecomeChiefExecutive！

好多人怀疑，喂，佢几次想入闸都唔够支持噃！嘻嘻，今时唔同往日，选举制度「完善」咗喇，加上国安、反恐及《23条》变首要任务。只要阿爷认定佢属最佳人选，哪个选委会不举手支持？

曾智华

阿碌开咪