乐●活｜宅在家一样可以开大餐

Omicron变种病毒已杀入社区，都系听专家话冇乜特别都系乖乖哋留家抗疫，唔好周围走！留喺屋企唔想连续煮三餐或减少出外买餸，少不了叫外卖，好彩而家有唔少选择！

锺意打边炉，又唔想周围去买食材的话，肯尼海鲜外卖火锅套餐就最简单！食材直接送货上门，足不出户便可以享用海鲜美食！汤底可以拣鸡汁盐锅汤底、芝麻豆乳鸡锅汤底、蟹肉寿喜锅汤底或四重芝士锅汤底，配料有就有大连鲍鱼、日本元贝、沙白蚬、泰国虾、花螺、牛骨牛丸、猪肉贡丸、墨鱼滑、虾滑、炸鱼皮等。套餐会以GoGoVan送货直送家中。

想食海鲜，又唔想打边炉？ 可以考虑Kenny Seafood肯尼海鲜SHAKE SHAKE海鲜袋外卖，每个海鲜袋有波士顿龙虾、日本元贝、沙白蚬、象拔蚌仔/贵妃蚌、大连鲍鱼、泰国虾、新薯、粟米、ShakeShake袋，将新鲜食材以GoGoVan送货直送家中，够晒方便！

另外，仲可以拣肯尼顶级蓝鳍吞拿鱼 - 四色刺身套餐，咁就可以喺屋企都食北海道蓝鳍吞拿鱼赤身、北海道蓝鳍吞拿鱼中拖罗、北海道蓝鳍吞拿鱼大拖罗、顶级北海道拖罗鱼茸及冲绳黑糖梅酒。又或者可以拣DIY刺身丼精选（不包刺身饭），内有日本北海道天然刺身级带子3s、加拿大牡丹虾刺身、顶级北海道拖罗鱼茸、北海道酱油渍三文鱼籽、北海道蓝鳍吞拿鱼赤身、日本寿司醋 。

无肉不欢的火锅迷，就可以考虑KKday限定推出嘅稀少部位有田牛x北海道十胜豚火锅盛宴。有田和牛(EMO牛)带罕有清香既牛味，不会太重油味，入口即溶但又带有清甜，有田牛x北海道十胜豚火锅盛宴有田沙巴当、日本和牛粒、美国牛三角、北海道十胜豚肉、仲有烧烤蔬菜盛，内有翠肉瓜、烧烤菇、泰露荀、鸡髀菇、南瓜、京葱及真打稻庭急冻乌冬。订购套餐额外附送MR.ARITA火锅炉具套装，有齐火锅炉具、火锅燃料、灭火盖、火枪等，并以GoGoVan送货至楼下停车场位置交收。

想营造人少少开Party嘅感觉，可以考虑Fast Gourmet豪华到会套餐，分量由2人起，可自选沙律，而主菜和甜品无需选择，份量根据人数而定。沙律可选择彩虹鲜果沙律、日本蟹籽蟹膏薯仔沙律或慢煮鸡凯撒沙律。主菜有烤香草鸡翼、经典雪梨酒和牛面颊配薯蓉、鱼籽龙虾汁蟹肉长通粉、烤时令蔬菜焗薯。甜品有鲜莓酥饼、白松露芝士蛋糕。套餐只限外卖自取，可于中环、元朗、西环分店换领。

令Laurie最惊喜嘅一定要数，竟然系喺KKDay搵到可以外卖养生黄酒煮鸡（鸡酒）！养生黄酒煮鸡选用无添加激素鸡、本地酿制糯米油、不添加味精，材料包括鸡、云耳、红枣、花生、姜、糯米酒，以GoGoVan送货至楼下停车场位置交收。

听日再为大家介绍多啲唔同类型嘅外卖精选！

作者：Laurie Wu（爱保健爱旅游爱购物的熟女）
[email protected]