乐●活｜好好计划2022

 仲有2日，就踏入2022年，虽然手机、电脑都有月历，但相信唔少人同Laurie一样，都锺意喺工作枱上放置一个座枱月历，方便Mark低放假或特别日子！

有冇谂过拥有独一无二、个人化嘅座台年历为新的365天做好准备？好似BELLA'S DESIGN GALLERY就有多款唔同设计嘅个人化座台年历。年历以粉纸制作，并用上FUJIFILM数码印刷而成，兼顾色彩与质感，最吸引嘅系座台年历可按喜好加入相片、自选背景设计及排版，打造专属嘅年历风格，最紧要系可自定月历的起始年份及月份，甚至加页制作，仲可以喺重要日子标注文字，甚至相片，可以清晰展示亲友生日、周年纪念等重要日期，咁就唔需要担心忘记重要日子啦！

除咗Custom Made嘅月历，坊间亦有不少购物换购期选择。好似谭仔今年就联乘Nothing Serious推出2022年座台月历，即日起凡惠顾任何食品或饮品，加$10就可以换到，唔单止每个月份都有由 Nothing Serious创作嘅插画同字句，仲有总值超过$220嘅餐饮优惠券，变相等于月月食谭仔都有优惠。而且座台月历嘅所有收益将全数拨捐协康会，为有特殊需要嘅儿童、青年及其家庭提供支援服务，仲可以做埋善事添！

锺情韩国风插画的话，就可留意apm邀请韩国人气插画师Nahum Kim合作推出2022限量版座枱年历连可爱动物便利贴。年历内12幅色彩鲜明、对比强烈的画作运用贴近生活的现实背景，加入趣怪得意的动物及表情符号等元素，呈现日常生活中无穷无尽的趣事，加上可爱动物便利贴，记事备忘尤其方便。The Point by SHKP会员即日至年1月3日以指定电子消费券领取平台消费满$300或以上或凭800积分即有机会换领到。

 

作者：Laurie Wu（爱保健爱旅游爱购物的熟女）

[email protected]