张敬轩感谢Sammi提携

郑秀文（Sammi）前晚在红馆举行第3场《You & Mi郑秀文世界巡回演唱会》，当晚Sammi请来张敬轩担任嘉宾 ，她介绍轩仔出场时笑说：「我叫佢『阿仔』，但而家啲人叫佢『阿公』。」然后轩仔从升降台出场时，全场欢呼，合唱《笑忘书》后，轩仔轻吻Sammi手背，观众尖叫。
Sammi对轩仔说：「好多年前你做过我演唱会嘉宾。（系呀！）咁你嗰阵时叫做轩仔（家都系㗎！）家就叫做轩公，即系升咗呢，仲要系几何级咁升添！」轩仔说：「我唔知呢个名边度嚟？起码要去到阿公嘅年纪先啦！」Sammi扬言之前两场嘉宾都是比较新一代的歌手，轩仔田细细声说：「其实我读紧书嗰阵都有睇《大头绿衣斗僵尸》，家我开骚，有时啲后辈嚟到，例如噚晚嗰个后辈歌手（林家谦），佢话9岁听我首《酷爱》！今晚轮到我，山水有相逢。」全场爆笑。
寄语轩仔要带新人
轩仔说：「我要好多谢Sammi，佢系我恩人。其实唔多歌手会带我呢啲新人出埠表演，但我好开心，当年我仲系新人嘅时候，Sammi带我去到马来西亚做佢演唱会表演嘉宾，我好多谢佢！」Sammi说：「其实一代一代咁样带出嚟，你家都系大人，要带新人出嚟！」然后轩仔唱《隐形游乐场》，观众听出耳油。
回看片段感触落泪
前晚的Sammi特别感性，当她唱出过去10次提名「金像奖」最佳女主角奖项的电影歌曲时，看见电影片段和全场观众大合唱，她更感触落泪。到演唱会尾声，Sammi唱出旧作《记认》，并走近观众席，期间她看到大银幕的自己两臂结实三头肌时，不禁大叫：「哗，OMG，好有型呀！」