大刘 闹爆「贱人」造谣抹黑

富商刘銮雄（大刘）昨日临时举行记者会，澄清内地传出他太太陈凯韵（甘比）蚀去他逾百亿元身家的传闻，指有「贱人」利用网上打手，以为就能打击他太太，他坦言后悔当日曾帮对方，宁愿其破产更好，更斥对方全家是纳米型小贼。
大刘在会上表示，太太怕影响子女而劝他不要澄清，但他认为不出声会被指默认，声言：「有一日有人要杀我屋企人，唔好讲我系咪跛，（就算）我系跛系残废，我都要保护屋企人！」并重申太太甘比从未为公司损失200亿元，反而为他赚逾200亿元艺术品投资，亦没将财产给儿子，指报道是虚构，严重造谣，更以「贱人」来讽刺对方：「呢个贱人最近去新加坡，无人识佢，自己招摇撞骗，人哋见到佢都惊咗佢。」
有人超市地执单报销
有记者问大刘是否后悔帮他口中的「贱人」？他不讳言：「我承认呀！」他指网上传闻离谱，连朋友都以为他有事就快「死」，致电慰问他，他反问记者听他把声似不似就快死，亦坦言：「边个会作呢啲新闻出嚟？一个人自我陶醉，到底有冇人信？我真系希望我一年前，唔帮佢单破产。」
大刘并解说分身家传闻：「又话全部财产转畀个仔、甘比踢出局，点解要咁讲呀？自己开心罗，讲就有人信。」更炮轰「贱人」是纳米型小贼，「全家都系。买埋啲Accumulator，I'll kill you later！佢买晋环，人哋一次过畀钱买，佢10%做deposit，15%做stamp。佢无脑㗎，做鸵鸟，以后再唔会救佢，再无关系。我打畀仔女时，佢就搭嗲，你估我会唔会听佢电话？我出院时，佢见我未死得就扮Close，我即刻同陈凯韵（甘比）结婚，但系发现最有保障原来系分身家。我开记者会之后一星期，我同律师讲宁愿分错都唔愿畀佢得益。」更大爆：「佢唔止牙膏claim三次，喺超级市场地下啲单，佢都执嚟claim，你估我唔知咩？我哋会计部check单check得好紧！即系你话买眼镜，系咪你戴紧？佢最擅长系点呢，买咗个名牌袋之后，平价卖返出街。」大刘表示不清楚仔女是否得知这些，更以「绝子绝孙，七个仔女养唔大」发誓并非作出来。
自爆一早已经分身家
此外，有记者问及当吕丽君两个子女长大会否独自生活？大刘回应：「依家个仔得13岁，如果佢18岁，可以选择自己独立时，佢想跟我住，就同我一齐住。」当追问到最近一个月有否改遗嘱？大刘更爆料：「我早排一早分咗，我现时要再改，都要老婆执行我嘅意思，你听唔听得明啊？我现时自己乜都冇！但系我相信我呢个老婆陈凯韵，叫我做乜我都会做。」并指有幸是日开记者会澄清，「我今日仲有得say，陈凯韵肯听我说话，我三个仔女都肯听我说话。」
问到「贱人」变坏前，曾否劝过对方？大刘：「梗系有，但系有用咩？」还爆对方曾半夜叫人拿民事传票给他，他斥：「咁贱咁衰嘅人，第一次见！」至于传票内容，大刘表示不方便讲，但否认是问他拿钱，他亦表示开记者会之外，不会采取法律行动，开记者会感觉并不舒畅，至少还太太一个公道。被问到看好哪个儿子日后掌管公司？大刘只谓能者居之。被问到有否看剧集《爱．回家》叫子女多回家？大刘坦言有看，但没叫子女多回家。