被冷血司机撞飞少年恐瘫痪

（星岛日报报道）「我好憎呢个司机撞到我个仔！仲要走咗唔理，好冇责任心。我个仔太细，得十四、十五岁，如果冇途人救佢，点算？」本周一晚在青山公路遭私家车撞飞重创的十四岁男童利潍，至今仍情况危殆。父母日夜守候爱儿消息，即使渡过危险期，但面对漫长康复之路，不禁无语问苍天。

母：我好憎恨个司机

利潍就读元朗公立中学，校方立刻启动危机应变小组，校长及同学也关心他的状况。校长更录下一段录音，让利潍父母放在他耳边鼓励。「利潍，我系校长呀，听唔听到？校长好挂住你，你今次要叻仔啲呀！顶住呀！校长希望你快啲好返，返番学，同你见返面，你记得吗？校长希望你成为元中毕业生，将来成为一个历史学家，所以你一定要好返，顶住呀！」

利潍妈妈指儿子最初须在腹部内以纱布棉花止血，右手骨折，昨日做手术取出纱布及固定手部骨折的地方。医生表示若他不及时转送屯门医院，「唔一定救得返」。「佢最严重盘骨同头部，医生话佢颅压太高或血压太高，好易导致脑干死亡。」

「儿子中一至中三都有攞奖，好锺意历史科。佢本来今日可以上台攞奖，因为佢历史科考到全级第一，但依家入咗医院，冇呢个机会啦！」利潍妈妈哽咽说道。

历史科考全级第一

妈妈难过续道：「即使过咗危险期都要谂点样康复，呢个系最关键、最压力大嘅问题，佢爸爸已经大年纪，阿仔康复条路好漫长。骨科医生讲阿仔成个散晒，有可能下半身瘫痪，手部神经受损可能会冇力，将来搵食都系一个问题，唔知点生存？」

利潍是家中独子，早已退休的利潍爸爸与前妻育有一子，利潍妈妈是家庭主妇，本打算工作帮补生计，但现在利潍突然出事，「我依家全部计画乱晒！唔知点安排生活！阿仔康复路要洗几多钱，点样帮到佢呢？」面对将来困境，不禁悲从中来。