锺培生预告折磨林作 谂定疯狂庆功

2021-09-16 00:00
Kathy与Ollie到锺培生家中的擂台切磋。
Kathy与Ollie到锺培生家中的擂台切磋。

  (星岛日报报道)今年三月,锺培生出价100万元酬金向林作挑机,两人口水战足半年,《培生擂台:无敌杯We are Champs》在后天星期六晚举行!百万擂台之战共有五场赛事,其中《造美人》Kathy仔和《口罩小姐》Ollie都获邀出赛,早前两女在锺培生设有擂台的家中切磋,原本老友鬼鬼的两人甫上台即出力互揪,搏到尽!

  被封「抽水王」的林作今年年初因为在「富三代」锺培生(Derek)的YouTube频道中「挑机」,留言「抄我100万?」辣㷫对方,两人之后连番网上口水战,最后锺培生不忿林作所言,决定开盘100万元要求林作和他上擂台对打,爱出风头的林作当然「未惊过」,还积极搵教练进行特训!

  锺培生直言自己赢面大,不过拳赛当日会慢慢折磨对方,他更计画定怎样庆功。锺培生:「庆唔庆功宴,我觉得要首先Focus返个拳赛,打赢咗之后先再决定,我唯一要做就系要专注,搞好场show,同埋打好呢场拳赛,点样庆祝呢就系疯狂咁饮酒同饮汽水,我都好耐冇饮过,因为我好耐冇饮酒同汽水!」

  「林锺一战」虽已够晒绰头,但锺培生仍邀请张致恒(Steven)和YouTuber Jason(大J)对打,锺培生直言想畀机会张致恒让大家重新认识他。锺培生:「其实人谁无过?佢又唔系做咗啲死罪嘅嘢,佢都系养屋企、养佢嘅小朋友,证明返一次佢系一个男人,几励志!我都同佢讲今次邀请佢唔系想做佢新闻,我只系想香港人再一次信任你,我希望Steven都冇呃我,会努力操!」锺培生亦给予比市价高的出场费给张致恒:「出场费都唔少,佢都需要养家,我可以讲今次所有拳手嘅费用系比市场价高出好多,因为想大家双赢,酬金都一定比市场价高!只系想大家一心一意搞好场show,可以证明俾人睇香港人都可以做到一个国际嘅盛事。」

  《造美人》的Kathy仔与《口罩小姐》的Ollie,今次获邀请在擂台斗一番,早前两人亲临锺培生屋企切磋,Ollie投诉Kathy仔经常出口术:「我哋都想打大家好耐,不过我哋平时系分开练习,会比较集中!不过我知道Kathy系一个出口术好奸诈嘅女仔!佢会扮晒嘢话唔好打头、好惊呀,跟住趁我唔为意就一嘢好大力打我!」面对Ollie的踢爆,Kathy仔:「系呀!认住我!」

  

「林锺一战」后天开打。
「林锺一战」后天开打。

Kathy仔(左)与Ollie未开打先有牙骱战。
Kathy仔(左)与Ollie未开打先有牙骱战。

關鍵字

最新回应

相關新聞

热门文章